साडीच्या पदराने केला घात, मुलाच्या डोळ्यादेखत आईचा दुर्दैवी अंत, संभाजीनगरमधील हृदय हेलावणारी घटना

छत्रपती संभाजीनगर: छत्रपती संभाजीनगर जिल्ह्यातील सिल्लोड-फुलंब्री मार्गावर एक हृदय पिळवटून टाकणारी घटना घडली आहे. इथं एका महिलेचा भररस्त्यात दुर्दैवी अंत झाला आहे. पीडित महिला आपल्या मुलासोबत छत्रपती संभाजीनगरवरून आपल्या गावी परत येत होती. दरम्यान, गावाजवळ आलं असता त्यांच्या साडीच्या पदराने त्यांचा घात केला आहे. गावापासून काही अंतरावरच त्यांना मृत्यूनं गाठलं आहे. या घटनेची नोंद बडोद पोलीस ठाण्यात करण्यात आली आहे. घटनेचा पुढील तपास पोलीस करत आहेत.