Akshay Kumar : ऑनलाइन गेम खेळताना मागितले प्रायव्हेट फोटो, अक्षय कुमारच्या लेकीसोबत घडलं भयंकर; खिलाडीचा शॉकिंग खुलासा

अक्षय कुमारची लेक नितारा एक अनोळखी लोकांसोबत एक व्हिडीओ गेम खेळत होती. या खेळादरम्यान काही वेळात समोरील व्यक्तीने तिच्यासोबत चॅट करायला सुरुवात केली. समोरच्या व्यक्तीने तिला कुठे राहतेस असं विचारलं? नितारानेही मुंबई असं उत्तर दिलं. त्यानंतर समोरुन तू स्त्री आहेस की पुरुष? असा प्रश्न विचारण्यात आला. तिनेही स्त्री असल्याचं उत्तर दिलं. पुढे समोरील व्यक्तीने निताराला थेट न्यूड फोटो पाठव तुझे, असा मेसेज आा. त्यानंतर मात्र नितारा सावध झाली. घडलेला प्रकार हा सायबर क्राईमचा भाग असल्याचं अक्षय कुमार म्हणाला.

अक्षय कुमार मुख्यमंत्र्यांकडे मागणी करत म्हणाला,"शाळेत इतिहास, भूगोल, गणित शिकतो. त्यात 2+2=4 शिकतो. पण सायबर क्राईममध्ये 4 म्हणजेच 0 आहे. मी मुख्यमंत्री यांच्याकडे मागणी करतो की, शाळेत सायबर क्राईमचा तास असावा".