रामभक्तीत रंगले अभिनेते सचिन पिळगावकर, कसा आहे पहिल्याच भक्तीगीताचा अनुभव?, Video

1975 साली प्रदर्शित झालेल्या 'गीत गाता चल' या चित्रपटातील 'मंगल भवन अमंगल हारी' हे सुंदर भक्तीगीत सचिन पिळगावकर यांच्यावर चित्रित करण्यात आलं होतं. आता थेट 2024 मध्ये हेच भक्तीगीत सचिन पिळगावकरांच्या आवाजात ऐकायला मिळत आहे. त्यानिमित्तानं सचिन यांनी खूप आठवणी सांगितल्या आहेत. तसेच हे भक्तीगीत त्यांच्यापर्यंत कसं आलं याबाबतही ते भरभरून बोलले.

"प्रभू श्रीरामांचा आशीर्वाद म्हणून मला हे भक्तीगीत गाण्याची संधी मिळाली. माझं हे पहिलं भक्तीगीत आहे. त्यामुळे नक्कीच हा देवानं दिलेला प्रसाद आहे," अशा शब्दांत सचिन यांनी आपल्या भावना व्यक्त केल्या. संगित क्षेत्रात पुढे येऊ पाहणाऱ्या कलाकारांबाबतही ते भरभरून बोलले. त्यांच्यातल्या काही गोष्टी नक्कीच शिकण्यासारखं असल्याचंही ते म्हणाले. तसेच गाण्याबाबत त्यांच्या लहानपणीच्याही खूप आठवणी, किस्से त्यांनी सांगितले आहेत.