Baby John Collection : 'पुष्पा 2'च्या फायरमध्ये 'बेबी जॉन'चं मार्केट डाऊन, 5 दिवसांचं शॉकिंग कलेक्शन

ख्रिसमसच्या मुहूर्तावर 'बेबी जॉन' हा सिनेमा रिलीज झाला. त्याचवेळी थिएटरमध्ये पुष्पा 2देखील सुरू होता.  पुष्पा 2 समोर बेबी जॉन फारसा चालला नाही आणि बॉक्स ऑफिसवर प्रेक्षकांचा फारसा प्रतिसाद मिळाला नाही. वीकेंडलाही तो फक्त सिंगल डिजिटमध्येच कमाई करू शकला. 'बेबी जॉन'ने रिलीजच्या 5 व्या दिवशी म्हणजे पहिल्या रविवारी किती कमाई केली आहे?

( शेवटी ते बॉलिवूड! 'पुष्पा 2'ला अखेर झुकवलंच, 1600 चा कोटींचा गल्ला जमवूनही 'स्त्री 2' ला देऊ शकला नाही टक्कर )

'बेबी जॉन'च्या कमाईबद्दल बोलायचे झाले तर, या चित्रपटाने रिलीजच्या पहिल्याच दिवशी 11.25 कोटी रुपयांचे खाते उघडले आहे. दुस-या दिवशी चित्रपटाच्या कमाईत 50 टक्क्यांहून अधिक घसरण झाली आणि केवळ 4.75 रुपये कमावले. पहिल्या शुक्रवारी म्हणजेच तिसऱ्या दिवशी त्याच्या कलेक्शनमध्ये आणखी घसरण दिसून आली आणि त्याने 3.65 कोटी रुपयांचा व्यवसाय केला. चौथ्या दिवशी 'बेबी जॉन'ने 16.44 टक्क्यांच्या वाढीसह 4.25 कोटींची कमाई केली आहे.

Sacknilk च्या सुरुवातीच्या ट्रेंड रिपोर्टनुसार, 'बेबी जॉन'ने रविवारी भारतात 4.75 कोटी रुपये हिंदीमध्ये 17.38 टक्के कमावले आहेत. यासोबतच 'बेबी जॉन'ची पाच दिवसांची एकूण कमाई आता 28.65 कोटींवर पोहोचली आहे.

वरुण धवनचा 'बेबी जॉन' पाच दिवसांत 30 कोटींचीही कमाई करू शकला नाही 'बेबी जॉन' बॉक्स ऑफिसवर फ्लॉप ठरला आहे. वीकेंडलाही हा चित्रपट कमाल दाखवू शकला नाही, इतका की हा चित्रपट वरुण धवनच्या शेवटच्या पाच चित्रपटांच्या संडे कलेक्शनमध्ये शेवटचा राहिला.