Bigg Boss Marathi 6 च्या घरातील सगळे सदस्य आजारी! प्रत्येकाला कोणता ना कोणता आजार, तपासणीसाठी आले 'स्पेशल डॉक्टर'

बिग बॉस मराठी 6 च्या भाऊचा धक्काचा प्रोमो समोर आला आहे. ज्यात घरातील सदस्यांचं हेल्थ चेकअप होत असल्याचं दिसत आहे, तेही स्पेशल डॉक्टरांकडून. आता हे स्पेशल डॉक्टर कोण? तर ड्रामा क्विन राखी सावंत. राखी सावंत डॉक्टर बनली आहे आणि घरातील इतर सदस्य रुग्ण. राखी या सगळ्यांना तपासताना दिसते आहे. 'सदस्यांच्या आजारावर डॉ. राखी करणार त्यांच्या स्टाईलने इलाज...', असं कॅप्शन या प्रोमोला देण्यात आलं आहे.

प्रोमोत तुम्ही पाहू शकता राखी एकेएकाला तपासाताना दिसते. रोशन तिच्यासमोर येतो त्याच्या छातीवर ती स्टेथोस्कोप ठेवते आणि म्हणते बाई कडक आहे, पण यावेळी तिने स्टेथोस्कोप कानात लावलेलाच नसतो. रितेश तिला त्याची आठवण करून देतो, यावर सगळे हसू लागतात. नंतर तन्वीबाबत ती म्हणते तन्वीचा क्लोजअप दर मुद्द्यांमध्ये असणारच असं म्हणते. रुचिताच्या डोक्याला हात लावून ती चेक करते आणि म्हणते तुम्हाला एकदा चेक करावं लागेल, डोक्यात प्रॉब्लेम आहे की कुठे प्रॉब्लेम आहे. यावर रुचिताही खळखळून हसते.