Bigg Boss Marathi 6 : करण-प्राजक्ताचा गुपचूप रोमान्स; पण 'बिग बॉस'च्या कॅमेऱ्यात कैद झाला

बिग बॉस मराठी 6 च्या घरात कॅप्टन्सीचा नवा टास्क आहे. यामध्ये घरातील सगळे सदस्य फळं बनले आहेत. यात प्राजक्ता स्ट्रॉबेरी तर करण संत्रं बनला आहे. एपिसोडच्या प्रोमोममध्ये बिग बॉस स्ट्रॉबेरी बनलेल्या प्राजक्ताचं कौतुक करतात. प्राजक्ता तुम्हाला स्ट्रॉबेरी छान वाटते आहे. यावर प्राजक्ता गोड लाजते, हसते आणि बिग बॉसला थँक्यू म्हणते. त्याचवेळी तिच्या मागे उभा असलेला करणही लाजताना दिसतो. बिग बॉस ते पाहतात आणि स्ट्रॉबेरीचं कौतुक केल्यावर संत्रं का लाजलं? असं विचारतात. यावर प्राजक्ता, करण दोघंही पुन्हा लाजून हसतात.

यानंतर पुढे दोघंही एकत्र बसलेले दिसतात आणि फळांच्या बोर्डच्या आड एकमेकांची छेड काढताना दिसतात. त्यांचा हा एकप्रकारे रोमान्सच आहे. यावरून प्राजक्ता आणि करण यांच्यात खरंच प्रेम बहरलं, यावर नेटिझन्सनी शिक्कामोर्तब केलं आहे.

तन्वी प्राजक्ताला म्हणते, 'करण तुला मांडीवर घेऊन डोक्याला मसाज करतो, तेव्हा काय' यावर करण तन्वीला सुनावतो. 'आता विशाल भाव नाही देत ना, म्हणून इथे आलीये ती', असं म्हणतो.  रुचिता करणला म्हणते, 'तिचा फेक लव्ह अँगल नाही चालला, आयुषने भाव नाही दिला.' करण राकेशला म्हणतो, 'आमच्यामध्ये प्रेम असेल, मैत्री असेल, लग्न असेल, पण आम्ही Individual खेळतो.' त्यावर राकेश म्हणतो, 'तू फक्त तिला जप. तिच्या भावनांना सांभाळ'

यानंतर करण प्राजक्ताबद्दल काळजी व्यक्त करतो. तन्वी प्राजक्ताला बोलते त्यामुळे करणला त्रास होतो. तो भावुक होतो आणि आपल्या भावना प्राजक्तासमोर व्यक्त करतो.  करण प्राजक्ताला म्हणतो, 'आयुष्यात मी कोणासोबत एवढं कनेक्ट नाही झालेलो. मला काळजी वाटायला लागली तुझी. असं कोणासोबत राहिलो नाहीये मी. मला इथं पहिल्यांदा फील झालं. आधी माझ्या आई-वडिलांना त्रास झाला की, मला त्रास होतो. एवढ्या वर्षात माझ्या आयुष्यात कधीच नव्हतं झालं. एवढ्या वर्षांचा बंद रस्ता होता, तो आता सुरू झाला, म्हणून मी बोलायला टाळत होतो. मला इमोशनल नाही व्हायचंय, पण मला तो बांध नाही फोडायचा. आपण जेन्युईन असतो'

त्यावर प्राजक्ता करणला समजावताना म्हणते, 'एवढा विचार नको करूस, मला माझं आयुष्य बिग बॉस नंतरचं पण महत्वाचं आहे. लोक लक्षात ठेवतात'

प्राजक्ता आणि करणची ही जोडी काही प्रेक्षकांना आवडली आहे, तर काहींना नाही. पण तुम्हाला ही जोडी कशी वाटली आम्हाला आमच्या सोशल मीडियाच्या कमेंट बॉक्सममध्ये नक्की सांगा.