फरहान अख्तरमुळे घसरून पडली होती श्रीदेवी, सांगितली सेटवरची धक्कादायक घटना

अभिनेता त्यावेळी चित्रपटसृष्टीत नवखा होता. त्याने एका मुलाखतीमध्ये सांगितले की त्यावेळी शूटींगच्या सेटवर एक अपघात झाला आणि मला माझे करियर सुरु व्हायच्या आधीच संपले असे वाटले. अभिनेत्री श्रीदेवीने फरहानला काहीतरी सांगितले ज्यामुळे त्याचा जीवात जीव आला. तो खूप घाबरला होता.

"सीन हा होता की श्रीदेवीला काहीतरी वाइट बातमी समजते आणि तिला तिच्या डान्स मधून राग आणि तिची वेदना दाखवायची असते. शेवटचा क्रेन शॉट व्हायचा होता. तेव्हा श्रीदेवी रिहर्सल करत होती. मनमोहन सिंह फ्रेम चेक करत होते. तिथल्या फरशीवर डाग होता जो त्यांनी साफ करायला सांगितला. मी तिथे जवळ असल्याने मीच गेलो साफ करायला. त्या घाईमध्ये श्रीदेवी येत होत्या, ते मी पाहिले नाही. मी खाली वाकून सफाई करत होतो. तेव्हाच श्रीदेवी आल्या आणि जमिनीवर घसरुन पडल्या. सेटवर पूर्ण शांतता पसरली. मला वाटलं संपलं माझं करियर."