Wedding Tradition : लग्नानंतर बायको नवऱ्याला 'अहो' का म्हणते? फक्त वयाचा फरक नाही, तर शब्दाला आहे खास अर्थ

अहो ऐकलंत का?... आपल्या बायकोच्या तोंडून हे वाक्य ऐकण्यासाठी कितीतरी नवऱ्यांचे कान आसुसलेले असतात. आपल्या बायकोने आपल्याला अहो अशी हाक मारावी असं जवळपास प्रत्येक नवऱ्याला वाटतं.

आता नवऱ्याला अहो अशी हाक मारायची पद्धत कमी झाली असली. तरी अशी हाक मारली की नवऱ्याच्या चेहऱ्यावर गोड हसू येतंच. तुम्हीसुद्धा हे अनुभवलं असेल, नसेल तर एकदा ट्राय करून पाहा.

आता नवऱ्याला अहो अशी हाक का मारतात? यामागे कारण तर तसं तुम्हाला माहितीच असेल. पूर्वी पुरुष आणि महिलांच्या वयात खूप अंतर असायचं, त्यामुळे नाव घेऊन हाक मारण्याची प्रथा नव्हती.

वडीलधारी माणसांमध्ये नवऱ्याला हाक मारण्यासाठी अहो हा पर्यायी शब्द वापरला गेला. शिवाय दिवसभरात नवऱ्याला अनेकदा हाक मारावी लागते. त्यामुळे छोटासा आणि उच्चारायला सोपा असा हा शब्द.

पण हा शब्द जितका सोपा, साथा तितकाच त्याचा अर्थ खूप मोठा आहे. या शब्दाला संस्कृतमध्ये अनेक अर्थ आहेत. या शब्दाला विशेष महत्त्व आहे.

अहो भाग्यम् असं आपण म्हणतो, म्हणजे किती मोठं भाग्य.  व्यक्ती जेव्हा हर्ष, उत्साह, आनंद या भावनेत असतो तेव्हा या शब्दाचा वापर करतो.

एकंदरच काय तर लग्न झालेल्या महिलेच्या आयुष्यातही तिच्या नवऱ्याचं स्थान असंच महत्त्वाचं, आनंदाचं आणि भाग्याचं असतं. म्हणूनच ती त्याला अहो अशी हाक मारते. (सर्व फोटो : AI Generated)