वडिलांच्या निधनानंतर गावकऱ्यांचा मदतीचा हात, धाराशिवच्या कन्येनं गाजवलं सिंगापूर

धाराशिव, 6 डिसेंबर: सिंगापूर येथील आंतरराष्ट्रीय नृत्य स्पर्धेत धाराशिवची कन्या स्नेहा दुधाळ हिनं मोठं यश मिळवलंय. 20 ते 25 नोव्हेंबर दरम्यान सिंगापूर येथे आंतरराष्ट्रीय नृत्य स्पर्धा पार पडली. या स्पर्धेत 13 देशांनी सहभाग नोंदवला होता. भूम तालुक्यातील पाथरूड येथील स्नेहा दुधाळ हिनं स्पर्धेत मराठमोळी लावणी सादर करत द्वितीय क्रमांक पटकावला. अनेक संकटांवर मात करत तिनं जागतिक पातळीवर आपल्या नृत्य कौशल्याचा ठसा उमटवल्यानं तिच्यावर कौतुकाचा वर्षाव होतोय.