42 व्या वर्षी अभिनेत्रीने दिली गुडन्यूज..! दुसऱ्यांदा झाली आई, घरी आला छोटा पाहुणा

पहिल्यांदा 2023 मध्ये गौहर आई झाली होती. त्या वेळी तिने जेहान या मुलाला जन्म दिला होता. आता जेहानला छोटा भाऊ मिळाला आहे. गौहरने इंस्टाग्रामवर खास पोस्ट शेअर करत ही आनंदाची बातमी दिली. पोस्टमध्ये लिहिलं होतं, “आमच्या जेहानच्या आनंदाला आता सीमा नाही, त्याला भाऊ मिळाला आहे.”

गौहर आणि जैद यांनी चाहत्यांचे प्रेम व आशीर्वाद स्वीकारत सर्वांचे आभार मानले. तिच्या पोस्टवर अनेक बॉलिवूड आणि टेलिव्हिजन सेलिब्रिटींनी शुभेच्छांचा वर्षाव केला. सौंदर्या शर्मा, आयेशा खान, अमायरा दस्तूर, नीती मोहन यांसह अनेकांनी गौहरला शुभेच्छा दिल्या.

गौहरने 2020 मध्ये कोरिओग्राफर इस्माईल दरबार यांचा मुलगा झैद दरबारशी लग्न केले होते. अलीकडेच एका मुलाखतीत गौहरने तिच्या दुसऱ्या गरोदरपणाबद्दल सांगितलं होतं की ती या वेळी खूप घाबरली होती. “प्रत्येक गर्भधारणा वेगळी असते. पण आई होणं हा प्रत्येकवेळी एक आशीर्वाद असतो. मला पुन्हा एकदा हे सुख मिळालं, यासाठी मी देवाची आभारी आहे,” असं तिने सांगितलं.