Gautami Patil : महाराष्ट्रात धुमाकूळ घालणाऱ्या गौतमीला पुढील काही दिवस 'या' जिल्ह्यात नाही लावता येणार ठुमके

मुंबई, 20 सप्टेंबर : डान्सर गौतमी पाटील हिचे कार्यक्रम सध्या दणक्यात सुरू आहेत. सण-उत्सुक जवळ आल्यानंतर गौतमीच्या कार्यक्रमांना आणखी वेग येतो. पण पुढचे काही दिवस गौतमीला कोल्हापूरमध्ये तिचे कार्यक्रम करता येणार नाहीत. गौतमी पाटीलच्या कोल्हापुरातील कार्यक्रमांना पोलिसांनी परवानगी नाकारली आहे. बंदोबस्ताचं कारण देत पोलिसांनी गौतमीच्या कार्यक्रमांना परवानगी देण्यास स्पष्ट नकार दिला आहे. नुकतंच गणपतीचं आगमन झालं आहे. गणपती विसर्जन होताच काहीच दिवसात नवरात्र उत्सव देखील सुरू होतं आहे. या दोन्ही सणांना कोल्हापूरात भाविकांची प्रचंड गर्दी होत असते. लांबून लांबून भाविक कोल्हापूरात देवदर्शनासाठी येत असतात. त्यामुळे भाविकांसाठी सुरक्षा तैनात करणं देखील पोलिसांच्या ड्युटीचा महत्त्वाचा भाग असतो.