KBC चा पहिला करोडपती, 25 वर्षांनी पुन्हा TVवर; बायको आहे प्रसिद्ध मराठी अभिनेत्री

मुंबई : अमिताभ बच्चन यांचा लोकप्रिय शो 'कौन बनेगा करोडपती' (KBC) आजही लोकांच्या मनावर राज्य करत आहे. या शोला नुकतीच 25 वर्षे पूर्ण झाली आहेत. हा अद्भुत प्रसंग साजरा करण्यासाठी, शोमध्ये एका खास स्पर्धकाला बोलावण्यात आलं होतं. ज्याने शोच्या चाहत्यांना प्रोत्साहित केलं. शोचा पहिला करोडपती हर्षवर्धन नवाथे 25 वर्षांनंतर 'केबीसी'मध्ये परतला. या शोचा पहिला विजेता ठरलेला हर्षवर्धन त्याच्या पुनरागमनासाठी खूप उत्सुक दिसत होता. आपला अनुभव सांगताना तो म्हणाला की या शोने त्याचे आयुष्य बदलले.