अखेर इस्राइलहुन मायदेशी सुखरूप परतली नुसरत भरुचा; प्रतिक्रिया देत म्हणाली 'मी सध्या खूप अस्वस्थ...'

‘हायफा इंटरनॅशनल फिल्म फेस्टिव्हल’मध्ये सहभागी होण्यासाठी नुसरत इस्राइलमध्ये गेली होती. 28 सप्टेंबरपासून सुरू झालेला हा चित्रपट महोत्सव 7 ऑक्टोबरला संपला. पण त्यातच युद्धाची सुरुवात झाली. नुकतंच नुसरत इस्राइलमध्ये अडकल्याची माहिती होती. काही काळापूर्वीच नुसरत भरुचाशी दूतावासाचा संपर्क झाला असून तिला इस्रायलहून भारतात पाठवलं जाईल अशी माहिती समोर आली होती. आता अखेर नुसरत मुंबई विमानतळावर उतरली आहे.

अभिनेत्री 'हायफा इंटरनॅशनल फिल्म फेस्टिव्हल'मध्ये सहभागी होण्यासाठी तिथे गेली होती. या चित्रपट महोत्सवात नुसरत भरुचाचा 'अकेली' हा चित्रपट दाखवण्यात आला. पण त्याच दरम्यान तिथे युद्ध झाले आणि नुसरत तिथेच अडकली.

अभिनेत्रीच्या टीमने ही माहिती दिली. वास्तविक, नुसरतची टीम कालपासून तिच्याशी बोलण्याचा प्रयत्न करत होती. मात्र त्याचा अभिनेत्रीशी संपर्क तुटला होता. अशा स्थितीत सगळेच घाबरले होरे. अभिनेत्रीच्या टीमचे म्हणणे आहे की, नुसरतशी काल दुपारी 12.30 वाजता शेवटचा संपर्क झाला होता. त्यावेळी ती तळघरात होती आणि पूर्णपणे सुरक्षित होती.

7 ऑक्टोबर रोजी सकाळी 8 वाजता पॅलेस्टिनी संघटना हमासने अवघ्या 20 मिनिटांत इस्रायलवर 5 हजार रॉकेट डागले होते. हे रॉकेट निवासी इमारतींवर पडले आणि 300 हून अधिक लोकांचा मृत्यू झाला. गाझाच्या विविध भागात शनिवारपासून बॉम्बस्फोट सुरू आहेत. या हल्ल्यात आतापर्यंत इस्रायल आणि पॅलेस्टाईन या दोन्ही देशांतील शेकडो नागरिकांचा मृत्यू झाला आहे. अशाच परिस्थितीत नुसरत तिथे अडकल्याने चाहते खूपच चिंतेत होते. मात्र आता तिला सुखरूप मायदेशी परतलेलं पाहून चाहत्यांनी मोकळा श्वास घेतला आहे.