'डोकं टेकव तरच...' बिष्णोई समाजाकडून सलमान खानला ऑफर, 25 वर्षांची दुश्मनी संपणार?

मुंबई : बॉलिवूडचा भाईजान सलमान खानला गेली 25 वर्षांपासून धमक्या मिळत आहेत. 1998 साली “हम साथ साथ है” च्या शूटिंगवेळी सलमान खानसह काही बॉलिवूड सेलिब्रिटींनी काळविटाची शिकार केल्याचा आरोप आहे. हे प्रकरण अजूनही कोर्टात आहे, पण या घटनेमुळे बिष्णोई समाज सलमान खानविरोधात आहे. तेव्हापासून सलमानच्या जीवाला धोका आहे. बाबा सिद्दिकींच्या हत्येनंतर सलमानची सेक्युरिटी आणखी वाढवण्यात आली आहे. अशातच आता बिष्णोई समाजाकडून सलमान खानला ऑफर देण्यात आली आहे.