Prajakta Mali - Lalit Prabhakar : पुन्हा जुळून आल्या 'रेशीमगाठी', प्राजक्ता-ललितची रोमँटिक मिठी; व्हिडीओ तुफान व्हायरल

मुंबई : मराठी टेलिव्हिजनवरील काही हिट आणि कल्ट मालिकांचा विचार केला तर त्यात एक नाव डोळ्यांसमोर येतं ते म्हणजे जुळून येती रेशीमगाठी. झी मराठीवरील या मालिकेनं प्रेक्षकांच्या मनावर राज्य केलं. आदित्य आणि मेघना या जोडीनं प्रेक्षकांची मनं जिंकली. आजही ही मालिका युट्यूबवर आवर्जून आणि आवडीनं पाहिली जाते. आदित्य आणि मेघनाची जोडी प्रेक्षकांची डोक्यावर घेतली. ही जोडी पुन्हा एकत्र यावी अशी प्रेक्षकांची इच्छा होती. अखेर प्रेक्षकांची ही इच्छा पूर्ण झाली. आदित्य आणि मेघना अनेक वर्षांनी एकत्र दिसले. दोघांनी एकमेकांबरोबर रोमँटीक डान्सही केला.