खिशात टिकत नाहीये पैसा? मूलांकानुसार पाकिटात ठेवा 'ही' छोटी वस्तू, गरिबी होईल कायमची दूर!

अंकशास्त्रानुसार, तुमची जन्मतारीख केवळ तुमचे स्वभावगुणच सांगत नाही, तर तुमच्या जीवनातील आर्थिक प्रवाहालाही दिशा देऊ शकते. आपण दररोज वापरत असलेले पाकीट किंवा पर्स हे केवळ पैसे ठेवण्याचे साधन नसून, ते 'लक्ष्मी'चे स्थान मानले जाते. तुमच्या मूलांकानुसार पाकिटात एक विशिष्ट वस्तू ठेवल्याने नकारात्मक ऊर्जा दूर होते आणि धनवृद्धीचे मार्ग मोकळे होतात, असे मानले जाते.

मूलांक 1 - तांब्याचे छोटे नाणे: या मूलांकाचा स्वामी सूर्य आहे. धनवृद्धीसाठी तुमच्या पाकिटात लाल रंगाचा कागद किंवा तांब्याचे छोटे नाणे ठेवावे. यामुळे तुमचा आत्मविश्वास वाढतो आणि अडकलेले पैसे मिळण्यास मदत होते.

मूलांक 2 - चांदीचे नाणे: या मूलांकाचा स्वामी चंद्र आहे. आर्थिक स्थैर्यासाठी पाकिटात चांदीचे नाणे किंवा पांढऱ्या रेशमी कापडात बांधलेले थोडे केशर ठेवावे. यामुळे मानसिक शांती मिळते आणि विनाकारण होणारे खर्च कमी होतात.

मूलांक 3 - पिवळ्या रंगाचा रुमाल: या मूलांकाचा स्वामी गुरु आहे. नशिबाची साथ मिळवण्यासाठी पाकिटात पिवळ्या रंगाचा छोटा रुमाल किंवा हळदीचा एक छोटा तुकडा ठेवावा. यामुळे प्रगतीचे नवे मार्ग मोकळे होतात.

मूलांक 4 - मोरपीस: या मूलांकाचा स्वामी राहू आहे. अनपेक्षित लाभ मिळवण्यासाठी पाकिटात ज्वारीचे काही दाणे किंवा मोरपीस ठेवावे. यामुळे अडथळे दूर होतात आणि आर्थिक स्थिती मजबूत होते.

मूलांक 5 - हिरवी वेलची: या मूलांकाचा स्वामी बुध आहे. व्यवसायात यशासाठी पाकिटात हिरव्या रंगाचा कागद किंवा हिरवी वेलची ठेवावी. यामुळे संवाद कौशल्य सुधारते आणि पैशांची आवक वाढते.

मूलांक 6 - पांढरा रुमाल: या मूलांकाचा स्वामी शुक्र आहे. सुख-समृद्धीसाठी पाकिटात पांढरा रुमाल ज्याला अत्तर लावले आहे किंवा कवडी ठेवावी. यामुळे भौतिक सुखात वाढ होते आणि पैसा टिकून राहतो.

मूलांक 7 - रुद्राक्ष: या मूलांकाचा स्वामी केतू आहे. प्रगतीसाठी पाकिटात चांदीचा तुकडा किंवा रुद्राक्षाचा एक दाणा ठेवावा. यामुळे आध्यात्मिक शक्ती वाढते आणि चुकीच्या निर्णयामुळे होणारे नुकसान टळते.

मूलांक 8 - निळ्या रंगाचा रुमाल: या मूलांकाचा स्वामी शनी आहे. स्थिरता आणि यशासाठी पाकिटात निळ्या रंगाचा छोटा रुमाल किंवा लोखंडाची छोटी कडी ठेवावी. यामुळे शनीचे अशुभ प्रभाव कमी होतात आणि मेहनत फळाला येते.

मूलांक 9 - रक्षाधागा: या मूलांकाचा स्वामी मंगळ आहे. ऊर्जेसाठी आणि धनलाभासाठी पाकिटात लाल रंगाचा धागा किंवा लाल त्रिकोणी कागद ठेवावा. यामुळे कर्जमुक्ती होण्यास मदत होते. टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)