"अख्खा हिंदुस्तान गाजवला, आता पुण्याला नादवणार", फुलवंती देणार का प्राजक्ता माळीला नवी ओळख? TEASER

'फुलवंती' सिनेमाचा एक मिनिट सात सेकंदाचा टीझर सर्वांचं लक्ष वेधत आहे. दमदार डायलॉग आणि नृत्याविष्कार टीझरमध्ये पाहायला मिळतोय. अभिनेत्री प्राजक्ता माळीच्या आतापर्यंतच्या सिनेमांमध्ये तिचा हा सिनेमा वेगळा आणि खास ठरताना दिसत आहे. सिनेमाच्या टीझरला प्रेक्षकांचा चांगला प्रतिसाद मिळत आहे. बिग बॉस मराठीत मोठा ट्विस्ट! या आठवड्यात 'भाऊचा धक्का' नाही, होणार वेगळाच 'कार्यक्रम'

( बिग बॉस मराठीत मोठा ट्विस्ट! या आठवड्यात 'भाऊचा धक्का' नाही, होणार वेगळाच 'कार्यक्रम' )

टीझरमध्ये तगडे डायलॉग ऐकायला मिळत आहेत. "अख्खा हिंदुस्तान गाजवला, आता पुण्याला नादवणार", "कंबरला नुसता झटका दिला तरी घरातला कुंकवाचा करंडा थरथरतो म्हणतात", "नाचात काहींना शौक दिसतो तर काहींना कला, प्रश्न नजरेचा आहे ती साफ असल तर फुलवंती पण तुम्हाला दुर्गाच दिसेल". या टीझरमधील या दमदार डायलॉगने सर्वांचं लक्ष वेधलं आहे.

'फुलवंती' हा सिनेमा पद्मविभूषण बाबासाहेब पुरंदरे यांच्या लेखणीतून साकारलेली 'फुलवंती' ही अलौकिक कलाकृतीवर आधारित आहे. 11 ऑक्टोबरला सिनेमा रिलीज होणार आहे.

पेशवाई काळातील 'फुलवंती' नावाची सुप्रसिद्ध नर्तिका आणि प्रकांडपंडीत व्यंकटशास्त्री यांची दमदार कथा सिनेमात पाहायला मिळणार आहे. त्याचप्रमाणे देखण्या कलाविष्काराने सजलेली 'फुलवंती' मराठी सिनेसृष्टीतील भव्यदिव्य, अविस्मरणीय कलाकृती ठरणार का याकडे सर्वांचं लक्ष आहे.

'रेशमीगाठी' या मालिकेतून प्राजक्तानं प्रेक्षकांची मनं जिंकली. त्यानंतर तिनं काही सिनेमात काम केलं. 'महाराष्ट्राची हास्यजत्रा' या कॉमेडी शोमधून देखील प्राजक्ताला प्रचंड प्रसिद्धी मिळाली. पण अभिनेत्री म्हणून प्राजक्ताला फार कमी फेम मिळाल्याचं पाहायला मिळतंय. 'फुलवंती' हा सिनेमा तिच्या करिअरला नवी दिशा देणार का हे पाहणं महत्त्वाचं ठरणार आहे.