'फुलवंती'च्या डान्सचं सलग 6 दिवस शुट, प्रवीण तरडे असं काय बोलले ज्यामुळे ढसाढसा रडली प्राजक्ता माळी

मुंबई : एक दमदार कथानक असलेला मराठी चित्रपट नुकताच रिलीज झाला आहे तो म्हणजे 'फुलवंती'. शाहीर बाबासाहेब पुरंदरे यांच्या अजरामर कादंबरीवर आधारित 'फुलवंती' हा सिनेमा प्रेक्षकांच्या भेटीला आलाय. ज्यात अभिनेत्री प्राजक्ता माळी स्वतः फुलवंतीच्या प्रमुख भूमिकेत आहेत. कला आणि बुद्धिमत्ता यांचा सुरेख संगम असलेल्या या सिनेमाला प्रेक्षकांची भरभरून दाद मिळतेय. फुलवंतीच्या भूमिकेत असलेली प्राजक्ता आणि शास्त्रींच्या भूमिकेत असलेला अभिनेता गश्मीर महाजनी प्रेक्षकांना शेवटपर्यंत खिळवून ठेवतात. संपूर्ण सिनेमात नृत्याला प्रमुख प्राधान्य देण्यात आलं आहे. अभिनेत्री प्राजक्ता माळी हिनं फुलवंती या नर्तिकेची भूमिका अत्यंत जबाबदारीने पार पाडली आहे.