VIDEO : झुकेगा नही साला! वर्ध्याच्या पुष्पाने नादच केला, थेट अल्लू अर्जुनच्या घरी पोहोचला, पण रस्त्यावर का बसला?

हैदराबादमध्ये अल्लू अर्जुनच्या घरासमोर त्याने अनेक तास ताटकळत बसून राहण्याचा निर्णय घेतला. गार्डने त्याला दूर हटवलं, तरीही अजय मागे हटला नाही. त्याने अल्लू अर्जुनच्या ऑफिसचा शोध घेतला आणि तिथे त्यांच्या वडिलांशी म्हणजेच अरविंद अल्लू यांच्याशी भेट झाली. "जेवलास का?" असा प्रेमळ प्रश्न त्यांनी विचारला आणि जेवण न केलेल्या अजयसाठी खास बिर्याणी मागवण्यात आली.

त्यानंतर तो क्षण आला. अल्लू अर्जुन त्यांच्या गाडीतून उतरले आणि अजयला त्यांच्याशी भेटण्याचं आमंत्रण मिळालं. उत्साह, आनंद आणि कृतज्ञतेने भरलेल्या त्या क्षणात अजयने अल्लू अर्जुनला त्याचा गांधी चरखा भेट दिला. आपल्या मोबाईलमधील प्रोफाइल त्यांना दाखवलं आणि अल्लू अर्जुनही त्याच्या हुबेहूब लूक आणि समर्पणाने थक्क झाला. या भेटीत अल्लूने अजयच्या मेहनतीचं कौतुक केलं आणि त्याच्या लूकला अप्रतिम म्हटलं. अजयसाठी ही भेट म्हणजे स्वप्नपूर्तीचं सर्वोच्च शिखर होतं. "मी आता खरंच 'पुष्पा'च्या जगात गेलो," असं अजय हसत म्हणतो.