Kissing Controversy नंतर पहिल्यांदाच राखी सावंत-मीका सिंग एकत्र, रोमँटिक डान्स VIDEO VIRAL

जवळपास दोन दशके चाललेला हा जुना वाद आता या दोघांनी पूर्णपणे विसरल्याचे दिसत आहे. नुकतंच एका रेस्टॉरंटमध्ये राखी सावंत आणि मीका सिंग एकत्र दिसले. एवढेच नाही, तर या दोघांनी तिथे एकत्र डान्स देखील केला. त्यांचा हा रोमँटिक डान्स व्हिडीओ सोशल मीडियावर वेगाने व्हायरल होत आहे, ज्यामुळे नेटिझन्सना मोठा धक्का बसला आहे. या वादानंतर दोघे पुन्हा इतके सहजपणे एकत्र आलेले पाहून अनेकजण आश्चर्य व्यक्त करत आहेत.

मीका सिंगने स्वतः जुन्या वादावर स्पष्टीकरण दिले आहे. गायक म्हणाला, "जुने वाद आता आम्ही विसरलो आहोत. आता आम्ही खूप चांगले मित्र आहोत आणि एकमेकांसोबत बोलतो देखील." हा डान्स संपल्यावर मीकाने प्रेमाने राखीला मिठी मारली, ज्यामुळे त्यांच्यातील संबंध पूर्णपणे सुरळीत झाले आहेत, हे स्पष्ट झाले.

राखी आणि मीकामधील हा वाद २००६ साली सुरू झाला होता. मीका सिंगच्या वाढदिवसाच्या पार्टीत राखी सावंतही उपस्थित होती. त्याच पार्टीत मीका सिंगने राखी सावंतला बळजबरीने किस केले. यानंतर राखी सावंतने याविरोधात थेट मुंबई उच्च न्यायालयात खटला दाखल केला होता. हा हाय-प्रोफाईल वाद अनेक वर्षे मीडियामध्ये गाजला होता.

दरम्यान, मीका सिंग पंजाबीसह बॉलिवूड संगीत विश्वात कार्यरत आहे, तर राखी सावंतला अभिनयात मोठे यश मिळाले नसले तरी तिने तिच्या अतरंगी आणि बेधडक स्टाईलने इंडस्ट्रीत आपली वेगळी ओळख निर्माण केली आहे.