Bigg Boss Marathi 6 च्या घरातील ऑस्ट्रेलिया, टांझानिया आहेत कोण? रितेश भाऊने केली भाऊच्या धक्क्यावर पोलखोल

बिग बॉस मराठी 6 च्या घरात राडे, भांडणं, आनंद, मजा मस्ती सगळं सुरू आहे. घरात प्रत्येक जण एक वेगळा गेम खेळतोय. अशातच घरातील काही सदस्यांविषयी कोड लाँग्वेजमध्ये बोलताना पाहिलं गेलं होतं. ते दोघे म्हणजे प्राजक्ता शुक्रे आणि करण सोनावणे. करण आणि प्राजक्ता घरातील इतर सदस्यांविषयी बोलताना तोड लाँग्वेजमध्ये बोलताना दिसले. रात्री सगळे झोपलेले असतानाही त्यांचं नव्या नावांवरून डिस्कशन पाहायला मिळालं होतं. त्यांनी घरातील काही सदस्यांना ऑस्ट्रेलिया, टांझानिया आणि ओमन अशी नावं दिली आहेत. आठवडाभर दोघे बोलताना याच नावाने बोलत होते. बिग बॉसच्या घरातील हे ऑस्ट्रेलिया, टांझानिया आणि ओमन आहेत कोण असा प्रश्न संपूर्ण महाराष्ट्राला पडला होता. अखेर भाऊच्या धक्क्यावर रितेश देशमुखनं दोघांच्या कोडवर्डची पोलखोल केली.