'हे मम्मी पप्पांना आवडणार नाही', विशालच्या प्रेमात सीरियस झाली रुचिता! माईक काढून सुरू होतं गुलूगुलू, VIDEO

बिग बॉसच्या घरात सगळ्या स्पर्धकांच्या नकळत विशाल आणि रुचिता यांचं प्रेम सुरू आहे. दोघांचं गुपचूप सुरू असलेलं गुलूगुलू बिग बॉसनेच पकडलं. कालच्या एपिसोडमध्ये विशाल आणि रुचिता यांना गार्डनर एरियामध्ये प्रेमाच्या गोष्टी बोलताना बिग बॉसने पकडलं.

( Bigg Boss Marathi 6 : सगळ्यांना रडवणारी राखी प्रभूसाठी ढसाढसा रडली; मिठी मारली आणि म्हणाली, 'मी तुझ्यासाठी...' )

विशाल आणि रुचिता गार्डनर एरियामध्ये फेऱ्या मारत होते. मात्र दोघांनीही माईक घातला नव्हता. बिग बॉसच्या कॅमेरात त्यांचं बोलणं रेकॉर्ड होऊ नये यासाठी त्यांनी माईक काढून ठेवले. बिग बॉसने दोघांना माईक घालण्याची सूचना दिली. तेव्हा रुचिता विशालला म्हणाली, "मला तुला फक्त एवढंच म्हणायचंय की हे मम्मी पप्पांना नाही आवडणार. लेट्स अवॉईड धीस टोटली. मी तुला जेव्हा बोलेन शांत बस, तू नको बोलू. हेच मला तुला समजवायचं आहे. पण ते मला समजवता येत नाही."

त्यावर माईक घालून विशाल म्हणाला, "ठीक आहे समजलं". त्यानंतर विशालने तिला इंग्रजीत सांगितलं, की आता काहीही बोलूया नको, इथून पुढे काय बोलायचं आहे ते 80 टक्के इंग्रजीत बोलायचं.

बिग बॉसच्या घरात काहीही बोलायचं असेल तर स्पर्धकांना त्यांच्या गळ्यात माईक हा कम्प्लसरी घालावा लागतो. बिग बॉसच्या महत्त्वाच्या नियमांपैकी हा एक महत्त्वाचा नियम आहे. पण प्रेमात आंधळे झालेल्या विशाल आणि रुचिता यांनी थेट माईक काढूनच बोलायला सुरूवात केली.

विशाल आणि रुचिताच्या लव्ह अँगलवर सोशल मीडियावर खूप ट्रोल केलं जात आहे. रुचिता आणि विशाल यांच्यातील वयाचं अंतर खूप असल्याने रुचिताला त्यावरून ट्रोल केलं जातंय. हा व्हिडीओ समोर आल्यानंतर दोघे खरंच एकमेकांच्या प्रेमात आहेत की हा त्यांचा गेम प्लान आहे असा प्रश्न प्रेक्षकांना पडला आहे.