Explainer: Black Hole चा मृत्यू कसा होतो? जगाचाच नाश झाला तर...

आपल्या डोक्यावरच्या अवकाशामध्ये अनेक गुपितं दडलेली आहेत. अंतराळ संशोधक अवकाशातली ही गुपितं शोधून काढण्याचं काम करत असतात. अशा गुपितांमध्ये ब्लॅक होलचादेखील समावेश होतो. ब्लॅक होल म्हणजेच कृष्णविवर ही संकल्पना साधरण शंभर वर्षांपूर्वी समोर आली. तेव्हापासून त्याबाबत सातत्याने संशोधन सुरू आहे. गेल्या काही वर्षांमध्ये, शास्त्रज्ञांनी अतिशय प्राचीन सुपरमॅसिव्ह कृष्णविवरांचा शोध लावला आहे. ही कृष्णविवरं महाविस्फोटाच्या (बिग बँग) काही काळानंतर विश्वाच्या सुरुवातीच्या काळात अस्तित्वात आली. या कृष्णविवरांचा नाश होण्यास बराच वेळ लागतो, हे शास्त्रज्ञांनी शोधून काढलं आहे. या कृष्णविवरांचा अतिशय संथ आणि सामान्य पद्धतीने मृत्यू होऊ शकतो.