उद्या तिसरा 'धक्का', PM मोदींसाठी 5 ऑगस्ट का महत्त्वाचे? पुन्हा एकदा इतिहास घडणार, राजकीय वर्तुळात खळबळ

या भेटींविषयी राष्ट्रपती भवन किंवा पंतप्रधान कार्यालयाकडून अधिकृत माहिती देण्यात आलेली नाही. त्यामुळे ही भेट केवळ औपचारिक होती का, की कुठल्या विशिष्ट निर्णयासंदर्भात होती, याबाबत तर्कवितर्क सुरु झाले आहेत. विशेष म्हणजे मोदी आणि शाह यांची राष्ट्रपतीशी स्वतंत्रपणे भेट घडून येणं ही दुर्मीळ घटना आहे. सामान्यतः अशा भेटी औपचारिक वा कोणत्या कार्यक्रमानिमित्त असतात.

राजकीय विश्लेषकांचा अंदाज आहे की- ही भेट संसदेत काही महत्त्वाचे विधेयक सादर करण्याच्या पार्श्वभूमीवर झाली असावी. विशिष्टतः युनिफॉर्म सिव्हिल कोड (UCC) लागू करण्याबाबत सध्या मोठ्या प्रमाणावर चर्चा सुरु आहे. राम मंदिर आणि अनुच्छेद 370 नंतर UCC हेच भारतीय जनता पक्षाच्या अजेंड्यातील शिल्लक प्रमुख धोरण मानलं जातं. उत्तराखंडमध्ये ते लागू झालं असून गुजरात आणि आसामनेदेखील राज्यस्तरावर ते आणण्याचे संकेत दिले आहेत.

ही भेट अशा वेळी झाली आहे जेव्हा 5 ऑगस्ट जवळ आलेली आहे. एक अशी तारीख जी मोदी सरकारसाठी प्रतीकात्मक ठरली आहे.

या घडामोडींचा आणखी एक महत्त्वाचा पैलू म्हणजे उपराष्ट्रपतीपदाच्या निवडणुकीची प्रक्रिया सुरू झाली आहे. विद्यमान उपराष्ट्रपती जगदीप धनखड यांनी पावसाळी अधिवेशनाच्या प्रारंभीच राजीनामा दिला होता. 9 सप्टेंबर 2025 रोजी मतदान होणार असून 7 ऑगस्ट रोजी अधिकृत अधिसूचना निघणार आहे. त्यामुळे अशी शक्यता आहे की मोदी-शाह यांनी राष्ट्रपती मुर्मूंशी याच संदर्भात चर्चा केली असेल.

ही भेट अमेरिकी राष्ट्राध्यक्ष डोनाल्ड ट्रम्प यांनी भारतावर 25% टॅरिफ लावण्याचा इशारा दिल्यानंतर आणि भारताच्या रशियासोबतच्या लष्करी व्यवहारांवर निर्बंधांची धमकी दिल्यानंतर काही दिवसांनी झाली आहे. त्यामुळे आंतरराष्ट्रीय राजकारणाचा संबंध या भेटीशी असल्याची शक्यता नाकारता येत नाही.