Explainer: डोकं फिरलंय का या देशाचं? 9 वर्षांच्या मुलीसोबत करता येईल लग्न, कायदाच आणणार म्हणे!

नवी दिल्ली: बालविवाहाची पद्धत संपवण्यासाठी जगभर प्रयत्न केले जात आहेत. यामध्ये बऱ्याच अंशी यशही मिळालं आहे. इराकमधली राजवट मात्र बालविवाहांना कायदेशीर रूप देण्याच्या तयारीत आहे. इराकमध्ये मुलींचं लग्नाचं कायदेशीर वय कमी करण्याचे प्रयत्न सुरू आहेत. सध्या तिथल्या मुलींना वयाची 18 वर्षं पूर्ण झाल्यानंतर लग्न करण्याची कायदेशीर मान्यता आहे. ही मर्यादा नऊ वर्षांपर्यंत कमी करण्याच्या योजनेवर काम सुरू आहे. शिया इस्लामी पक्ष संसदेत अल-जाफरी किंवा वैयक्तिक स्थिती कायद्यामध्ये (कायदा क्र. 188) सुधारणा करण्यासाठी भर देत आहे. या दुरुस्तीमुळे मुली नऊ वर्षांच्या झाल्यानंतर लगेच त्यांची लग्नं लावता येतील. प्रस्तावित दुरुस्ती रविवारी (4 ऑगस्ट) संसदेत मांडण्यात आली. या विधेयकामुळे महिला व बाल हक्क कार्यकर्त्यांमध्ये नाराजी पसरली आहे.