प्रत्येक वर्षी भारतीय क्रिकेटपटू Wimbledon स्पर्धा पाहण्यासाठी का जातात? सक्ती आहे की अजून काही संबंध, जाणून घ्या

दरवर्षी जगभरातील मान्यवर व्यक्ती यात सहभागी होतात. यात भारतातील क्रिकेटपटूही मागे नाहीत. विंबल्डन जरी टेनिसची स्पर्धा असली, तरी येथे क्रिकेट विश्वातील अनेक मोठी नावं प्रेक्षक म्हणून हजर राहिली आहेत. धोनी असो की विराट, सचिन असो की द्रविड… हे सर्व कधी ना कधी विंबल्डनच्या प्रेक्षकांमध्ये दिसले आहेत. कोणी फेडररचा चाहता आहे, तर कोणी टेनिसमधील चतुराई आणि वातावरण अनुभवण्यासाठी येतो. क्रिकेटचं मैदान वेगळं असलं तरी खेळासाठी असलेलं प्रेम विंबल्डनमध्येही स्पष्ट दिसून येतं.

महेंद्रसिंग धोनीला टेनिसबद्दल खास प्रेम आहे. 2018 मध्ये तो विंबल्डन पाहण्यासाठी गेला होता. त्यावेळी त्याचे फोटो सोशल मीडियावर तुफान व्हायरल झाले होते. पांढऱ्या शर्ट आणि ब्लेझरमध्ये धोनी विंबल्डनच्या  स्टाईलमध्ये दिसला. सोबत पत्नी साक्षीही होती. धोनींने एकदा सांगितले होते की, वेळ मिळाला की तो टेनिस पाहतो. रांची येथील घरी धोनीने टेनिस कोर्टदेखील बनवले आहे.