होय, माणूस होता नरभक्षक! त्याला मेंदू खाणं जास्त आवडायचं, संशोधनात मोठं रहस्य उघड

मानवी इतिहासात असे कमी जमातीचे गट आहेत, जे मानवांना मारून त्यांचे मांस खात असत, म्हणजेच नरभक्षण (Cannibalism) करत असत. आजही जगातील काही अतिप्राचीन जमाती, ज्या आधुनिक मानवांपासून पूर्णपणे अलग झालेल्या आहेत, त्या नरभक्षण करतात, असा विश्वास आहे. इतिहासात याची फारशी उदाहरणे आढळत नाहीत. पण एका नव्या संशोधनात असे पुरावे हाती लागले आहेत, जे 18 हजार वर्षांपूर्वी मॅग्डालेनियन (Magdalenian) युगात मानव समाजात नरभक्षण प्रचलित असल्याचे दर्शवतात. इतकंच नव्हे, तर त्या काळातील लोक मानवी मेंदूही खात असत.