Thane : कल्याण-ठाणेचा कायापालट होणार; उपमु्ख्यंत्री एकनाथ शिंदे यांच मोठे गिफ्ट

उपमुख्यमंत्री एकनाथ शिंदे यांच्या अध्यक्षतेखाली सादर झालेल्या अर्थसंकल्पात मेट्रो मार्गिक आणि प्रमुख रस्ते प्रकल्पांना एकूण 4 हजार 897.19 कोटी रुपयांची भरीव तरतूद करण्यात आली आहे. या निधीमुळे ठाणे परिसरापुरता मर्यादित राहिलेला मोठा पायाभूत विकास आता कल्याण लोकसभा मतदारसंघातही वेगाने विस्तारताना दिसणार आहे.

या परिसरात सुरू असलेल्या मेट्रो, उन्नत मार्ग, रिंग रस्ता मार्गांच्या उभारणीच्या कामाला गती मिळेल.मुंब्रापासून सुरू होणारा कल्याण लोकसभा मतदारसंघ थेट अंबरनाथपर्यंत विस्तारलेला आहे. उपमुख्यमंत्री एकनाथ शिंदे यांचे विशेष लक्ष असलेला हा मतदारसंघ खासदार डॉ. श्रीकांत शिंदेंचा मतदारसंघ आहे. या मतदारसंघात गेल्या काही वर्षात अनेक महत्वाच्या प्रकल्पांची सुरूवात झाली आहे. अनेक प्रकल्पांचे काम सुरू असून नव्याने तरतूद करण्यात आलेल्या निधीमुळे अनेक प्रकल्पांना गती मिळण्याची आशा आहे.या प्रकल्पांमुळे कल्याण, डोंबिवली, अंबरनाथ, उल्हासनगर, बदलापूर परिसरातील वाहतूक कोंडी कमी होण्यास मदत होईल.

मेट्रो – 5 ( ठाणे – भिवंडी – कल्याण ) – 1 हजार 309.30 कोटी