Ulhasnagar : नगरसेविकेच्या घराबाहेरील कचरा का उचलत नाही?, परप्रांतीय मजूरांकडून मराठी सफाई कामगाराची निर्घृण हत्या

मिळालेल्या माहितीनुसार, उल्हासनगर महानगरपालिकेने शहराच्या स्वच्छतेचे काम कोणार्क इन्व्हायरो कंपनीला दिले आहे. या कंपनीत महादू जगताप हे सफाई कामगार म्हणून काम करत होते. दरम्यान सोमवारी दुपारी सुमारे 12 वाजण्याच्या सुमारास ते कॅम्प नंबर 3 येथे कर्तव्यावर होते.

रक्ताच्या थारोळ्यात पडलेल्या महादू जगताप यांना तातडीने रुग्णालयात नेण्यात आले. मात्र त्यांच्या शरीरावर गंभीर जखमा झाल्यामुळे उपचारादरम्यान त्यांचा मृत्यू झाला. या घटनेनंतर पोलिसांनी तपास करत आरोपी दुर्गेश गुप्ता याला अटक केली आहे.

महादू जगताप हे पत्नी पूर्वी आणि दोन लहान मुलांसह शहाड गावठाण परिसरात राहत होते. पतीच्या हत्येची माहिती मिळताच पूर्वी यांनी तातडीने रुग्णालयात धाव घेतली. मात्र पतीचा मृतदेह पाहून त्यांना मोठा मानसिक धक्का बसला. घरी परतल्यानंतर या धक्क्यातून सावरता न आल्याने त्यांनी गळफास घेऊन आत्महत्या केली. या दुर्दैवी घटनेमुळे दोन लहान मुले आई-वडिलांविना राहिली असून परिसरात हळहळ व्यक्त केली जात आहे.