Trending:

'Only' हा शब्द नक्की कुठे वापरायचा असतो तुम्हाला माहितीय? 99 टक्के लोक करतात चुकीचा वापर

Published by:Devika Shinde

Last Updated:Jan 15, 2026 4:46 PM IST

आपल्याला वाटतं की 'Only' कुठेही लावला तरी चालतो, पण इंग्रजी व्याकरणाच्या (English Grammar) नियमानुसार, 'Only' हा शब्द ज्या शब्दाबद्दल अधिक माहिती सांगतो, त्याच्या अगदी जवळ असणे आवश्यक आहे. जर त्याची जागा बदलली, तर वाक्याचा अर्थ पूर्णपणे बदलतो.

इम्पॅक्ट शॉटतुमचा गेटवे लेटेस्ट न्यूज

मुंबई : इंग्रजी बोलताना किंवा लिहिताना आपण अनेकदा शब्दांची फेरफार करतो, कधी ग्रामरचे नियम आपल्याला माहित नसतात, तर कधी आपण नकळत अशा गोष्टी करतोय पण तुम्हाला माहित आहे का? फक्त एका शब्दाच्या चुकीच्या जागेमुळे तुमच्या संपूर्ण वाक्याचा अर्थ बदलू शकतो. तो शब्द म्हणजे 'Only'.

आपल्याला वाटतं की 'Only' कुठेही लावला तरी चालतो, पण इंग्रजी व्याकरणाच्या (English Grammar) नियमानुसार, 'Only' हा शब्द ज्या शब्दाबद्दल अधिक माहिती सांगतो, त्याच्या अगदी जवळ असणे आवश्यक आहे. जर त्याची जागा बदलली, तर वाक्याचा अर्थ पूर्णपणे बदलतो.

चला तर मग, एका रंजक उदाहरणाने समजून घेऊया की आपण 'Only' वापरताना नक्की कुठे चुकतो.

एकाच वाक्याचे7 वेगवेगळे अर्थ

समजा आपल्याला एक साधं वाक्य बोलायचं आहे: "She told him that she loved him." (तिने त्याला सांगितलं की तिचं त्याच्यावर प्रेम आहे). आता या वाक्यात 'Only' वेगवेगळ्या ठिकाणी लावून पाहूया:

1. Only she told him that she loved him.

अर्थ: फक्त तिनेच त्याला सांगितलं (दुसऱ्या कोणत्याही मुलीने नाही).

2. She only told him that she loved him.

अर्थ: तिने त्याला फक्त सांगितलं (दुसरी कोणतीही कृती केली नाही, कदाचित कृतीतून दाखवलं नाही).

3. She told only him that she loved him.

अर्थ: तिने फक्त त्यालाच सांगितलं (दुसऱ्या कोणत्याही मुलाला सांगितलं नाही).

4. She told him only that she loved him.

अर्थ: तिने त्याला फक्त इतकंच सांगितलं की तिचं त्याच्यावर प्रेम आहे (दुसरी कोणतीही माहिती दिली नाही).

5. She told him that only she loved him.

अर्थ: तिने त्याला सांगितलं की फक्त तिच त्याच्यावर प्रेम करते (दुसरं कोणीही त्याच्यावर प्रेम करत नाही).

6. She told him that she loved only him.

अर्थ: तिने त्याला सांगितलं की तिचं फक्त त्याच्यावरच प्रेम आहे (इतर कोणावरही नाही).

7. She told him that she loved him only.

अर्थ: हे वाक्य क्रमांक 6 सारखंच आहे, पण यात 'फक्त तोच' यावर अधिक जोर दिला आहे.

व्याकरण काय सांगते? (The Grammar Rule)

इंग्रजी व्याकरणामध्ये 'Only' हा शब्द Adverb (क्रियाविशेषण), Adjective (विशेषण) किंवा Conjunction (उभयान्वयी अव्यय) म्हणून काम करू शकतो.

व्याकरणाचा मुख्य नियम असा आहे:

"Place 'only' as close as possible to the word it modifies." (ज्या शब्दाचा अर्थ तुम्हाला मर्यादित करायचा आहे, 'Only' त्याच्या अगदी मागे किंवा पुढे लावा.)

आपण रोजच्या जीवनात काय चूक करतो?

आपण बोलताना सहसा म्हणतो: "I only have two apples." व्याकरणानुसार याचा अर्थ होतो "माझ्याकडे दोन सफरचंद फक्त आहेत" (दुसरं काही मी त्यांच्यासोबत करू शकत नाही).

पण आपल्याला म्हणायचं असतं की माझ्याकडे फक्त दोनच सफरचंद आहेत. त्यामुळे योग्य वाक्य असायला हवं, "I have only two apples."

संभ्रम कसा टाळाल?

१. वाक्य पुन्हा वाचा: 'Only' लावल्यानंतर वाक्याचा अर्थ तुमच्या मनात असलेल्या विचाराशी जुळतोय का, हे तपासा.

२. बोलताना जोर द्या: बोलताना आपण ज्या शब्दावर 'Only' वापरतो, त्या शब्दावर थोडा ताण दिला तरी समोरच्याला अर्थ समजतो. पण लिहिताना मात्र जागेची अचूकता महत्त्वाची आहे.

view comments

Location :

Mumbai,Maharashtra

First Published :

Jan 15, 2026 4:46 PM IST

'Only' हा शब्द नक्की कुठे वापरायचा असतो तुम्हाला माहितीय? 99 टक्के लोक करतात चुकीचा वापर