Diabetes gripping Mumbaikar: तरूणांनो सावधान: ‘या’ चुकीच्या सवयीमुळे तुम्हाला होऊ शकतो डायबिटीस; आत्ताच बदला या सवयी नाहीतर येईल पश्चातापाची पाळी

मुंबई: मुंबई ही देशाची अर्थिक राजधानी. मात्र आता या शहराला एक नको असलेली ओळख मिळू लागलीये. ती ओळख म्हणजे डायबिटीस सिटी. कधी न थांबणाऱ्या मुंबईला आता डायबिटीसने विळखा घालायला सुरूवात केलीये. गेल्या 10 वर्षांत डायबिटीसच्या रूग्णांच्या तब्बल 485 टक्क्यांनी वाढ झाल्याचं एका सर्वेक्षणात दिसून आल होतं. मुंबईसारख्या शहरात अनेक तरूणही डायबिटीसच्या विळख्यात अडकू लागले आहेत. जंकफूड, बदलती जीवनशैली ही यामागची काही प्रमुख कारणं जरी असली तरीही मुंबईकरांना डायबिटीसचा विळखा बसण्यामागची कारणं आहेत ती म्हणजे सतत बसून काम करणं आणि लठ्ठपणा. त्यामुळे तुम्ही सुद्धा अशाच पद्धतीने तुमच्या ऑफिसमध्ये बसून काम करत असाल तर तुम्हाला ही सवय सोडावी लागणार आहे. अन्यथा डायबिटीसे तुम्हाला मगरमिठी मारलीच म्हणून समजा.