कूलरमधून येणाऱ्या वासानं त्रास होतोय? तर फाॅलो करा 'या' घरगुती टिप्स, दुर्गंधी होईल कायमची दूर

नीरज राठौर, जे गेल्या 14 वर्षांपासून गुरुमॅक्स या नावाने कूलर बनवून विकतात, त्यांनी लोकल 18 शी बोलताना सांगितले की, कूलरमधून वास येण्याची अनेक कारणं असू शकतात. त्यापैकी सर्वात महत्त्वाचं कारण म्हणजे त्यात वापरलेलं गवत किंवा हनीकॉम्ब पॅड. बाजारात दोन ते तीन प्रकारचं गवत आणि हनीकॉम्ब उपलब्ध आहे. फिकट पिवळ्या रंगाच्या गवताची गुणवत्ता कमी असते आणि ते स्वस्तही मिळतं. तर, फिकट लाल रंगाचं गवत चांगल्या प्रतीचं मानलं जातं. हे गवत चिनारच्या झाडापासून बनवलेलं असतं, ज्याला वास येत नाही, उलट चांगला सुगंध येतो.