मुंबईकरांचा पाडवा गोड होणार, आता ऑनलाईन मिळतेय पुरणपोळी, शेवटची संधी, लगेच करा ऑर्डर

मुंबई : पुरणपोळी म्हटलं की तोंडाला पाणी सुटतं, पण हल्लीच्या धावपळीच्या जीवनशैलीमुळे सणासुदीला स्वतः पुरणपोळी बनवायला वेळ मिळतोच असं नाही. अशा वेळी बाहेरून ऑर्डर करायचं म्हटलं तरी घरगुती चव मिळणं कठीण असतं. पण यंदाच्या गुढीपाडव्याला तुमच्यासाठी खास संधी आहे. मुंबई महापालिकेच्या महिला बचत गटांनी बनवलेली घरगुती चव असलेली पुरणपोळी आता ऑनलाइन उपलब्ध होणार आहे. सणाचा आनंद द्विगुणित करण्यासाठी महापालिकेने 'पुरणपोळी महोत्सव' सुरू केला असून, घरबसल्या तुम्हाला ही चविष्ट पुरणपोळी थेट तुमच्या दारापर्यंत पोहोचणार आहे.