लहानशी गाडी ते आज मोठं दुकान, कमी कालावधीत मराठी माणसाची मोठी भरारी, दिव्यातील कृपा वडापावची अनोखी कहाणी!

कृपा वडापाव या दुकानात आता वडापाव सोबतच समोसा, भजीपाव तसेच मिसळपाव, दुपारी जेवणासाठी लागणारी व्हेजथाळी, लस्सी, कांदाभजी हे सर्व पदार्थ मिळतात. आता वडापाव सोबतच दुपारी मिळणारी व्हेजथाळी सुद्धा लोकांच्या आवडीची झाली आहे.

'आम्ही सुरुवातीला जेव्हा हातगाडीवर वडापावचा व्यवसाय सुरू केला. तेव्हा खरंच विश्वास नव्हता की, तो लोकांना इतका आवडेल. आज जे काही आम्ही नवीन दुकानात कृपा वडापाव सुरू केला आहे, त्याचा सर्व श्रेय हे लोकांचंच आहे. माझ्यासारख्या मराठी माणसाला असंच जर सर्वांची साथ मिळाली तर आम्ही आणखी पुढे जाण्याचा विचार करू,' असे कृपा वडापावचे मालक राकेश चंदरकर यांनी सांगितले.

राकेश यांच्या यशाकडे पाहताना मराठी माणूस कोणत्याही क्षेत्रात यश मिळवू शकतो याची खात्री पटते आणि नवा आत्मविश्वास मिळतो. तुम्हालाही जर दिव्यातील या प्रसिद्ध वडापावची चव चाखायची असेल तर तुम्हीही कृपा वडापाव याठिकाणी नक्की भेट द्या.