चक्क कुल्हडमध्ये मिळतोय पिझ्झा, मुंबईतील फेमस खाऊ गल्लीतील रेसिपी नक्की पाहा, Video

मुंबई, 12 ऑक्टोबर: मुंबईमध्ये वडापाव प्रमाणेच अनेक असे स्ट्रीट फूड आहेत ज्याचा खवय्ये अगदी चवीने आस्वाद घेतात. त्यातच आता पिझ्झा या खाद्यपदार्थाला वेगवेगळे फ्युजन करून बाजारात विकण्यास सुरू झाली आहे. आजवर तुम्ही पिझ्झा हा गोलाकार ब्रेडवर विविध भाज्या आणि चीज सोबत खाल्ला असेल. परंतु पिझ्झा कधी मातीचा कपात म्हणजेच कुल्हडमध्ये खाल्लाय का? नसेल खाल्ला तर मुंबईतील प्रसिद्ध घाटकोपरच्या खाऊ गल्लीमध्ये एका स्टॉलवर हा एक आगळावेगळा पदार्थ मिळत आहे. ज्याला खवय्यांची मोठी पसंदी मिळत आहे. कुल्हड पिझ्झा कसा बनवतात? याबद्दलच आपण जाणून घेणार आहोत.