नवरात्रीच्या उपवासाला 5 मिनिटात बनवा भगर आणि साबुदाण्याचा डोसा; पाहा रेसिपी पद्धत Video

सर्वप्रथम भगर आणि साबुदाणा आणि शेंगदाणे एकत्र करून धुवून घ्या. भिजत ठेवा. भिजल्यानंतर मिक्सरच्या भांड्यात भिजलेले भगर, साबुदाणा आणि शेंगदाणे तसेच हिरव्या मिरच्या ऍड करा चांगलं बारीक करून घ्या. घट्ट ते पातळ असं मिश्रण तयार होईल इतकच पाणी टाकायचं आहे. त्यानंतर आपल्याला नॉनस्टिक तवाच वापरायचा आहे जेणेकरून हा डोसा तुटणार किंवा चिकटणार नाही. हे मिश्रण तव्यावर चांगले पसरून घ्या थोड्या वेळाने डोसा कोरडा पडत असेल तर डोस्यावर तेल-पाणी शिंपडू शकता. दोन्ही बाजूने परतून घेतल्यानंतर आपल्या आवडत्या उपवासाच्या चटणीसोबत खाण्यासाठी डोसा तयार आहे.

तडक्यासाठी एका भांड्यात गरम तेलात जिरे, कढीपत्ता,तोडून हिरव्या मिरच्या आणि मिरेपूड ऍड करून हा तडका दह्यावर घाला. दह्यात थोडी साखर आणि मीठही ऍड करता येईल. डोसा सोबत खाण्यासाठी हि चविष्ट चटणी तयार आहे.

सामान्यतः डोसा हा इडलीच्या मिश्रणापासून बनतो, सर्वजण मोठ्या आवडीने डोसा खातात मात्र आता उपवासाच्या दिवशीही डोसा खाणं शक्य आहे. भगर आणि साबुदाणा पासून अगदी चविष्ट आणि 5 मिनिटात बनवून तयार होईल असा डोसा कधीही बनवू शकता. घरी सहज उपलब्ध असलेल्या वस्तूंपासून नवरात्रीच्या उपवसांसाठी ही चविष्ट आणि सोपी रेसिपी नक्की ट्राय करा.