घरगुती पद्धतीनं बनवा कोष्टी डाळ-कांदा, विदर्भातील खास रेसिपी, Video

विदर्भ कोष्टी डाळ-कांदा रेसिपी ही घरगुती साहित्यातूनच तयार करता येते. त्यासाठी प्रामुख्याने 1/3 वाटी भिजवलेली चना डाळ, अंदाजे अर्धा किलो कांदे, आलं लसूण पेस्ट घ्यावी लागेल. तसेच चवीनुसार मीठ, हळद, तिखट, थोडा गरम मसाला, धने पावडर, जीरे पावडर, तमालपत्र, तेल 1 वाटी, धने आणि खोबरे पेस्ट, कोथिंबीर आदी पदार्थही आपश्यक आहेत. या साहित्यातून 4-5 जणांना पुरेल इतकी भाजी तयार होईल. त्यामुळे तुम्ही गरजेनुसार साहित्य कमी जास्त करू शकता, असे अलोणे सांगतात.

सर्वप्रथम 5-6 तास चणा डाळ भिजवून घ्यायची आहे. कढई मध्ये तेल गरम करून घ्यायचे. गरम तेलात बारीक चिरलेला कांदा अ‍ॅड करून कांदा शिजायला ठेवावा. कांदा शिजण्यासाठी 10-12 मिनिटाचा वेळ लागतो. कांदा शिजल्यानंतर त्यात धने खोबऱ्याची पेस्ट आणि थोड्या वेळाने आलं लसूण पेस्ट अ‍ॅड करावी. दोन्ही पेस्ट चांगल्या शिजल्यानंतर आधी धने-जिरे पावडर, घरी उपलब्ध असलेला मसाला अ‍ॅडकरून मिक्स करावे. त्यानंतर हळद आणि तिखट अ‍ॅडकरून चांगले शिजू द्यावे. (मीठ लगेच घालू नये कारण मिठामुळे डाळ लवकर शिजणार नाही)