ठाण्याचं फेमस चटाक चायनिज, फक्त 20 रुपयांपासून डिश, खाण्यासाठी लागतात रांगा

चटाकमध्ये मंचाव सूप, चायनीज पकोडा, आलू चिली या डिश फक्त 40 रुपये, सोया चिली सुध्दा 40 रुपये , व्हेज क्रिस्पी, चटाक स्पेशल राईस या सगळ्या पदार्थांची किंमत फक्त 20 रुपयांपासून सुरू होते. इथे मिळणाऱ्या फ्रँकीची सुद्धा खूप क्रेज आहे. यामध्ये सुद्धा तुम्हाला 15 हून अधिक प्रकार खायला मिळतील. ज्यामध्ये व्हेज फ्रँकी, व्हेज मयोनीज चीज फ्रँकी, व्हेज नूडल्स मायोनीज असे सगळे प्रकार उपलब्ध आहेत. खास कॉलेजच्या मुलांसाठी म्हणून स्वस्तात चांगले पदार्थ मिळावे हाच उद्देश असल्याचं महेंद्र सांगतो.

'मी आणि माझ्या पत्नीने जेव्हा हा व्यवसाय सुरू केला, तेव्हा आम्हाला इतका प्रतिसाद अपेक्षित नव्हता. परंतु आता आमच्या चटणीची घरगुती टेस्ट पाहून एकदा खाऊन गेलेले गिऱ्हईक पुन्हा आमच्याकडे आवर्जून येतात. आमच्या चटाक मध्ये मिळणाऱ्या चिलीला गिऱ्हाईकांची अधिक मागणी आहे.' असे महेंद्र पटेल यांनी सांगितले.