पोटॅटो ट्विस्टरपासून ते वेगवेगळ्या प्रकारच्या मॅगी, स्वस्तात जोगेश्वरी फुड कट्ट्यावर घ्या आस्वाद!

लोकल 18 सोबत बोलताना अजिंक्य धामणस्कर म्हणाले की, आम्ही आमचा फॅमिली बिजनेस म्हणून हा छोटा व्यवसाय चालू केला आहे. अनेक जण आपण फक्त गोष्टी बोलताना पाहतो, मात्र आम्ही कोणतीही गोष्ट फक्त सवांदा पुरती मर्यादित न ठेवता त्याचे प्रत्यक्षात रूपांतर करून छोटा व्यवसाय सुरू करण्याचे ठरवलं. या संपूर्ण व्यवसायाला माझा भाऊ अतुल धामणस्कर तसेच माझे वडील सुहास धामणस्कर या दोघांचा देखील खूप चांगला प्रतिसाद आहे. सुरुवातीला नोकरी करुन व्यवसाय करने कठीण आहे असे वाटतं होते मात्र आता सर्व संभाळून आणि वेळेचं योग्य व्यवस्थापन करुन आम्ही आमचा फुड कट्टा चालवतो आहे. तसेच प्रत्येकाने व्यवसायात उतरल्याशिवाय व्यवसायामधील त्रुटी कळत नाही. त्यामुळे प्रत्येकाने एकदा व्यवसाय करूनच पाहिले पाहिजे.