बाप्पाच्या सजावटीसाठी बजेटचं टेन्शन सोडा, मुंबईच्या या बाजारपेठेत मिळतात 20 रुपयांपासून वस्तू

मुंबई, 4 सप्टेंबर: अवघ्या काही दिवसांवर येऊन ठेपलेल्या गणेशोत्सवाची मुंबईकर नक्कीच जयत तयारी करत आहेत. गणेशोत्सवात आपले डेकोरेशन आणखीन सुरेख कसे दिसेल याचा विचार करत लोक वेगवेगळ्या थीम्स शोधत आहेत. त्यातच गणेशोत्सवाच्या सजावटीसाठी लागणारे सामान मुंबईमध्ये आपल्याला स्वस्त दरात कुठे मिळेल? याचा शोध सर्वचजण घेत असतात. सध्या सर्वात सोपे डेकोरेशन म्हणजेच फुलांच्या आणि वेलींच्या सजावटीला भाविक प्राधान्य देत आहेत. या फुलांच्या सजावटीसाठी लागणारे नकली फुलं, वेली आणि फुलांचा गुच्छा आपल्याला मुंबईच्या प्रसिद्ध क्रॉफर्ड मार्केटमध्ये मिळतील.