Smoking: नोकरदार स्त्रिया 'दम मारो दम'च्या शौकिन! जीवघेण्या आजारांचा धोका, तज्ज्ञांनी सांगितलं..

पुणे: सध्याच्या बहुतांशी स्त्रिया घर आणि काम अशा दोन्ही ठिकाणी स्वतःला सिद्ध करण्यासाठी धावपळ करताना दिसतात. या धावपळीमध्ये अनेकदा मानसिक तणाव वाढतो. तणावापासून काही क्षण का होईना सुटका मिळवण्यासाठी अनेक तरुणी आणि स्त्रिया धूम्रपानासारख्या व्यसनाच्या आहारी जातात. विशेषतः कॉर्पोरेट क्षेत्रातील स्त्रिया सर्रासपणे सिगारेट ओढत असल्याचं दिसतं. समोर आलेल्या माहितीनुसार, पुण्यातील 20 टक्के स्त्रिया धूम्रपान करतात. यामुळे भविष्यात या स्त्रियांना अनेक गंभीर आजार होण्याची शक्यता असते. लोकल 18 ने याबाबत डॉ. रवी पवार यांच्याशी चर्चा करून अधिक माहिती घेतली.