रक्ताच्या 5 थेंबांमधून कळणार तुमचं Biological Age, ही टेस्ट ठरणार वरदान, भविष्यात होऊ देणार नाही कसलाच आजार!

न्यूज मेडिकल लाईफ सायन्सनुसार, जपानमधील ओसाका विद्यापीठातील शास्त्रज्ञांनी व्यक्तीचं जैविक वय मोजण्यासाठी एक नवीन एआय मॉडेल विकसित केलं आहे. जन्मापासून वर्षे मोजण्याऐवजी, ते त्यांचं शरीर किती वृद्ध झालं आहे हे मोजतं. यासाठी, फक्त पाच थेंब रक्ताचा नमुना घेतला जातो आणि या नमुन्यातून, नवीन पद्धतीनुसार एआयच्या मदतीने 22 प्रमुख स्टिरॉइड्स आणि त्यांच्या परस्परसंवादांचं विश्लेषण केलं जातं. या आधारावर, व्यक्तीचं जैविक वय निश्चित केलं जातं. यातून व्यक्तीच्या शरीरातील महत्त्वाची इंद्रिये किती निरोगी आहेत हे देखील दिसून येतं.

शास्त्रज्ञांनी यासाठी DNN म्हणजे डीप न्यूरल नेटवर्क विकसित केलं. यामध्ये स्टिरॉइड्सच्या चयापचयाचा मार्ग शोधला गेला. त्यानंतर एआयच्या मदतीने, वेगवेगळ्या स्टिरॉइड्सचे रेणू पेशींशी कशी प्रतिक्रिया देतात हे पाहिलं गेलं. स्टिरॉइड हार्मोन्स चयापचय, रोगप्रतिकारशक्ती आणि तणावाशी संबंधित आहेत. स्टिरॉइड्स पेशींवर अनेक प्रकारे परिणाम करतात. ते चांगले आणि वाईट दोन्ही असतात. कॉर्टिसोल, तणाव वाढवणारे हार्मोन, हे देखील एक स्टिरॉइड आहे. संशोधकांना असं आढळलं की, जेव्हा कॉर्टिसोलची पातळी दुप्पट होते, तेव्हा जैविक वय सुमारे 1.5 पटीने वाढते. म्हणजेच, तुम्ही जास्त ताण घेतल्यास, ते जैवरासायनिक पातळीवर वृद्धत्वाची प्रक्रिया वेगवान करू शकते. तणावामुळे, शरीरातील अंतर्गत अवयव कमकुवत होतात, ज्यामुळे जैविक वय कमी होतं.

हा अभ्यास भविष्यात शरीराचं जैविक वय कमी करण्यासाठी एक दिशा देतो. चाचणीत जैविक वयावर परिणाम झाला, तर विविध खबरदारी आणि थेरपीने ते सुधारता येतं. याद्वारे, कोणतीही व्यक्ती सतर्क राहून आपलं आरोग्य सुधारू शकते. दुसरीकडे, शरीराचा कोणताही भाग कमकुवत होत असल्याचं आढळल्यास, आजार होण्यापूर्वी ते दुरुस्त करता येतं. अशा प्रकारे, ही चाचणी भविष्यात मानवांसाठी वरदान ठरू शकते.