Mental Health: पुण्यातील तरुणाईला मानसिक आजारांचा विळखा, धक्कादायक अहवालानं वाढवलं टेन्शन, काय काळजी घ्याल?

आदित्य बिर्ला एज्युकेशन ट्रस्टच्या एम्पॉवर‌ या उपक्रमातून तरुणांना मानसिक समस्यांवर समुपदेशन आणि तणावातून बाहेर येण्यासाठी मदत केली जाते. 2022 ते 2025 या कालावधीत एम्पॉवरने देशभरातील सुमारे 5 लाख 27 हजार तरुणांना समुपदेशनाचा लाभ दिला आहे. अलीकडेच जागतिक मानसिक आरोग्य दिनानिमित्त या कामाचा अहवाल प्रसिद्ध करण्यात आला. इतर शहरांच्या तुलनेत पुण्यातील तरुणांमध्ये मानसिक ताण अधिक असल्याचं या अहवालातून दिसून आलं आहे.

या अहवालानुसार, गेल्या पाच वर्षांत पुण्यातील 2 लाख 67 हजार तरुणांचे समुपदेशन करण्यात आले आहे. यात 1 लाख 13 हजार तरुण आणि 1 लाख 46 हजार तरुणींचा समावेश आहे. विद्यार्थी आणि नोकरदार वर्ग मोठ्या प्रमाणावर असल्याने मानसिक ताण, चिंता आणि भावनिक अस्थिरतेच्या समस्या अधिक प्रमाणात आढळतात. एम्पॉवरच्या समुपदेशनामध्ये तणाव, नैराश्य, बायपोलर डिसऑर्डर, अस्थिरता, अतिक्रियाशीलता विकार आणि मोबाइलचा अतिवापर अशा समस्या सर्वाधिक आढळल्या आहेत.