नको ती वाढलेली चरबी लगेच होईल कमी, किचनमधील या पदार्थाचं नियमित करा सेवन!

खरंतर आयुर्वेदात पाच प्रकारच्या मिठांचा उल्लेख पाहायला मिळतो. संस्कृत मध्ये मिठाला लवण असे म्हणतात. त्यातीलच सर्वात श्रेष्ठ मीठ म्हणून सैंधव मिठाकडे पाहिले जाते. अनेक औषधी गुणधर्मामुळे बऱ्याच औषधांमध्ये सैंधव मिठाचा वापर आढळतो. त्यामुळे सैंधव मीठ हे हृदयविकाराने किंवा मधुमेहाने ग्रस्त लोक खास करुन वापरतात. हे सैंधव मीठ हिमालयीन प्रांतातून विशेषतः सिंध प्रांतातून भारतात येते. लालसर गुलाबी रंगाच्या दगडाच्या स्वरुपात आपल्याला हे मीठ पाहायला मिळते. या मिठाचे नैसर्गिक डोंगर असतात. म्हणूनच याला रॉक सॉल्ट म्हटले जाते, असे डॉक्टर अनिल वैद्य यांनी सांगितले आहे.

सैंधव मीठ शुद्ध आहे की भेसळयुक्त हे पाहण्यासाठी वेगवेगळ्या टेस्ट करता येतात. त्याच्यामध्ये असणारे सोडियमचे प्रमाण किती आहे, हे ॲनालिटिकल स्टडीच्या माध्यमातून पाहता येते. हा ॲनालिटिकल स्टडी वेगवेगळ्या टेस्ट करून केला जातो. यातून त्या सैंधव मिठाची गुणवत्ता आणि शुद्धता पाहता येते, असेही वैद्य यांनी सांगितले.

घरगुती पद्धतीने देखील आपण सैंधव मिठाची शुद्धता तपासू शकतो. त्यासाठी एका वाटीमध्ये पाणी घेऊन त्यात सैंधव मिठाचा खडा टाकावा आणि ते मीठ त्या पाण्यात विरघळू द्यावे. शुद्ध सैंधव मीठ पूर्णपणे पाण्यात विरघळून जाईल. त्याचा कोणताही खडा स्वरूपातील अंश शिल्लक राहणार नाही. अन्यथा त्याच्यामध्ये चॉक अर्थात कॅल्शियम कार्बोनेटची भेसळ केली असू शकते, अशी माहिती डॉ. वैद्य यांनी दिली आहे.

1. सैंधव मीठात सोडियमचे प्रमाण हे समुद्री मिठापेक्षा कमी असते. खरंतर शरीरात सोडियमचं प्रमाण वाढल्यास तुम्ही हृदयाशी संबंधित आजारांनाही बळी पडू शकता.

दरम्यान समुद्री मिठात आढळणारे सोडियम हे वजन वाढवण्याचे आणि रक्ताच्या नसांमध्ये पाणी वाढवण्याचे काम करते. त्यामुळे जास्त प्रमाणात सैंधव खाणे हे देखील आरोग्यासाठी खूप हानिकारक ठरू शकते, असे देखील वैद्य यांनी सांगितले आहे.