सणानिमित्त गोड पदार्थ खात असाल तर दातांना होईल त्रास, नेमकी काय काळजी घ्यावी?, VIDEO

मुंबई : सगळीकडे सध्या सणाचे वातावरण सुरू आहे. सणानिमित्त गोड खाद्यपदार्थ खाण्याचे प्रमाण वाढते. मात्र, गोड खाद्यपदार्थ खाल्यानंतर दातांची काळजी घेणे फार महत्त्वाचे आहे. दातांची योग्य काळजी घेतली नाही तर भविष्यात दाताला कीड लागून खराब होण्याची शक्यता असते. म्हणून दातांची स्वच्छता करणेही फार महत्त्वाचे असते. अशा परिस्थितीत दातांची काळजी कशी घ्यावी?, दातांवर होणारे परिणाम?, दातांची स्वच्छता कशी करावी?, या सर्व प्रश्नांची उत्तरे डॉ. सुबोध प्रधान यांनी दिली.

लोकल18 शी बोलताना त्यांनी सांगितले की, सर्वप्रथम कोणताही गोड पदार्थ खाल्ल्यावर चूळ भरावी. कारण सतत गोड खाद्यपदार्थ खाणे होतच राहते, तर जितक्या वेळा शक्य होईल तितक्या वेळा खाल्ल्यानंतर चूळ भरावी. दुसरा महत्त्वाचा मुद्दा म्हणजे दोन वेळेस ब्रश करावे. आपण दिवसाच्या सुरुवातीला ब्रश करतो, त्यानंतर 24 तासांच्या अंतरानंतर दुसऱ्या दिवशी सकाळी ब्रश करतो.