Diwali Skin Care - क्रिम लावण्याऐवजी वापरा मुलतानी माती, मुलतानी मातीचे फेसपॅक नक्की वापरुन पाहा

Published by:Renuka Joshi

Last Updated:Oct 30, 2024 3:04 PM IST

मुलतानी मातीच्या फेस पॅकनं त्वचा तजेलदार दिसते. त्यात गुलाबपाणी, दही, मधाचा वापर केला तर चेहऱ्यावर ग्लो येतो.

मुंबई - दिवाळीसाठी फक्त चेहऱ्यासाठी कोणतं नवीन उत्पादन घेणार असाल तर थांबा...कारण वर्षानुवर्षं, घराघरांत वापरला जाणारा एक उपाय तुम्हाला छान ग्लो देऊ शकेल. मुलतानी माती....मुलतानी मातीत या 3 गोष्टी मिसळून लावल्या तर तुमचा चेहरा फ्रेश दिसेल..त्यामुळे दिवाळीसाठीच्या खास लुकची चिंता सोडा आणि मुलतानी माती वापरा. कारण, प्रत्येकाला आपली त्वचा चमकदार दिसावी असं वाटतं. पण यासाठी ना पार्लरमध्येही जाण्याची गरज आहे, ना महागडे फेस मास्क आणण्याची. कारण, सण - उत्सवात चेहऱ्यावर चमक दिसण्यासाठी मुलतानी मातीचे फेसपॅक लावता येतात. हे फेस पॅक चेहऱ्यावरील मृत पेशी काढून टाकण्यासाठी देखील प्रभावी आहेत.

Diwali Skin Care - हे 4 फेस पॅक दिवाळीत तुमची त्वचा उजळवतील, 15 मिनिटांत तुमच्या चेहऱ्यावर येईल चमक

चेहरा उजळ दिसण्यासाठी मुलतानी मातीनं फेस पॅक बनवून लावता येतो. मुलतानी मातीमध्ये झिंक, सिलिका,

ऑक्साइड आणि मॅग्नेशियम सारखी खनिजं असतात. हे त्वचेच्या स्वच्छतेसाठी प्रभावी आहे आणि चेहऱ्यावरील मृत पेशी काढून टाकण्यासाठी याचा उपयोग होतो. तेलकट त्वचेसाठी मुलतानी माती विशेषतः फायदेशीर आहे. चमकदार त्वचेसाठी मुलतानी मातीचे 3 फेस पॅक कसे बनवायचे ते येथे जाणून घ्या.

मुलतानी माती आणि दही

तुमची त्वचा कोरडी असेल तर मुलतानी मातीचा हा फेस पॅक ग्लो आणि चेहऱ्याच्या आर्द्रतेसाठी वापरून पहा.

फेस पॅक बनवण्यासाठी २ चमचे मुलतानी मातीमध्ये आवश्यकतेनुसार दही मिसळा. हा फेस पॅक चेहऱ्यावर लावा आणि 20 मिनिटे तसाच राहू द्या आणि नंतर धुवा. त्वचेला योग्य ती आर्द्रता मिळते, त्वचा फ्रेश दिसते.

ब्रशने रगडले दात, तरी तोंडाचा येतो वास? हा रोग आतड्यांचा, आजपासूनच उपाय करा!

मुलतानी माती आणि गुलाबजल

मुलतानी माती आणि गुलाबजल हा तयार करण्यासाठी सर्वात सोपा आहे, या फेस पॅकमुळे त्वचेला चांगला ग्लो मिळतो. फेस पॅक बनवण्यासाठी मुलतानी माती आणि गुलाबजल आवश्यकतेनुसार घ्या आणि एकत्र मिसळून पेस्ट बनवा. हा फेस पॅक 20 ते 25 मिनिटं चेहऱ्यावर लावून ठेवा आणि नंतर धुवा. त्वचा मऊ होते. चेहऱ्यावरील अतिरिक्त तेल निघून जाण्यासाठी हा फेस पॅक उपयुक्त आहे.

मुलतानी माती आणि मध

चेहऱ्यावरचे डाग कमी करण्यासाठी मुलतानी माती आणि मध हा फेस पॅक लावता येतो. चेहऱ्यावर टॅनिंग होत असेल तर त्यावरही मुलतानी मातीचा हा फेस पॅक प्रभावी आहे. हा फेस पॅक बनवण्यासाठी 2 चमचे मुलतानी माती एक चमचा मध आणि आवश्यकतेनुसार पाणी मिसळून फेस पॅक बनवा. हा फेस पॅक चेहऱ्यावर 1 ते 2 मिनिटांसाठी लावून ठेवा आणि नंतर धुवा. चेहरा तजेलदार दिसेल.

view comments

Location :

Mumbai,Maharashtra

First Published :

Oct 30, 2024 3:02 PM IST

///

Diwali Skin Care - क्रिम लावण्याऐवजी वापरा मुलतानी माती, मुलतानी मातीचे फेसपॅक नक्की वापरुन पाहा