सरळ चालून वजन कमी होत नाही? उलट चालून बघा, मेहनत 15 मिनिटांची, रिजल्ट जबरदस्त!

नवी दिल्ली : शरिराला व्यायाम हवाच, चालणं हा सर्वात उत्तम व्यायाम आहे. परंतु अनेकजणांबाबत असं होतं की, कितीही चाललं तरी वजन किंचितही कमी होत नाही. मात्र दररोज काही अंतर चालल्यानं शरीर निरोगी राहत, यात काहीच शंका नाही. तुम्ही कधी उलट चालण्याचे शरिराला काय फायदे होतात, याबाबत ऐकलंय का? उलट चालणं हे आरोग्यासाठी अत्यंत उत्तम असतं, असं अनेक संशोधनांमधून समोर आलंय.

काहीवेळ उलट चालावं, हे वाचायला कितीही विचित्र किंवा गंमतीशीर वाटत असलं तरी आरोग्यासाठी फायदेशीर आहे, यामुळे शरिराला नेमका काय उपयोग होतो, जाणून घेऊया. डॉक्टर टीना कौशिक यांनी याबाबत माहिती दिली आहे. त्यांनी सांगितलं की, दररोज केवळ 15 मिनिटं उलट चालावं. यामुळे काहीच दिवसांत तुम्हाला शरिरात बदल दिसतील. विशेषतः यामुळे मेंदूचं आरोग्य सुदृढ राहतं.