त्वचा काचेसारखी चमकदार दिसेल, महागड्या ट्रिटमेंट कशाला, घरीच तयार करा खास पॅक!

लिंबूसुद्धा त्वचेसाठी अतिशय गुणकारी असतो. लिंबात असलेल्या ऍसिडमुळे सूर्याच्या प्रखर किरणांपासून काळवंडलेली आपली त्वचा उजळते. लिंबू आणि पपईच्या फेसपॅकचा वापर केला तर उत्तमच. त्यासाठी 4 चमचे पपईचा गर घेऊन त्यात लिंबू पिळून छोटा चमचाभर मध घालावं. मिश्रण एकजीव करून छान पॅक बनवून घ्यावा. चेहऱ्यावर हा पॅक लावून 20 मिनिटं तसाच ठेवावा. नंतर स्वच्छ पाण्यानं चेहरा धुवून घ्यावा. यामुळे टॅनिंग हळूहळू दूर होतं.

डॉक्टरांनी सांगितलं की, टोमॅटोमध्ये व्हिटॅमिन सी, अँटीऑक्सिडंट आणि लायकोपिन भरभरून असतं, ज्यामुळे त्वचा छान उजळते. त्यासाठी टोमॅटोचा गर स्मॅश करून त्यात 2 चमचे दही घालावं. हे मिश्रण चेहऱ्यावर लावून अर्ध्या तासानं धुवून घ्यावं. यामुळे त्वचेवर सूर्याच्या उन्हामुळे जमलेला काळपट थर निघून जातो आणि त्वचेचा खरा रंग टवटवीतपणे दिसतो. अशा काही घरगुती उपायांनी आपण चेहऱ्यावरील तेज टिकवून ठेवू शकता, असं डॉक्टरांनी सांगितलं.