पचनसंस्थेवर परिणाम अन् वजन वाढण्याचा धोका, पाहा अती चहा सेवनाचे आणखी तोटे Video

दुधाचा चहा सकाळी प्यायल्याने पचनक्रियेवर चुकीचा परिणाम होतो. कारण चहामध्ये कॅफिन आणि टॅनिन असते. ज्यामुळे पोटातील एसिडीटी वाढण्याचं कारण ठरू शकतं. दुधाचा चहा प्यायल्याने पोटात गॅसेसचे प्रमाण वाढतं, पोटात जळजळ आणि पचनाच्या समस्या उद्भवू लागतात. म्हणूनच सकाळी उठून कधीच चहाचे सेवन करू नका, असं आहार तज्ज्ञ क्रांतिसिंह शिंदे सांगतात.

दुधाच्या चहाच्या अतिसेवनाने वजन वाढण्याचे प्रमाण देखील वाढू शकते कारण दुधाच्या चहात साखर आणि कॅलरीज मोठ्या प्रमाणात असतात. त्यामुळे दुधाचा चहा हा वजन वाढण्याचे कारण ठरू शकतो. यासाठी सकाळी रिकाम्या पोटी दुधाचा चहा टाळणं गरजेचं आहे. ज्यामुळे ब्लड प्रेशर वाढण्याचे कारण देखील दुधाचा चहा ठरू शकतो.

चहामध्ये असलेला कॅफिन मेंदूला ताजेतवाने करतो, त्यामुळे मानसिक ताजगी राहते. यामुळे एकाग्रतेतही सुधारणा होते आणि त्यामुळे दिवसभर काम करत असताना थकवा दूर होतो. परंतु, जास्त प्रमाणात कॅफीन घेतल्यास झोपेच्या समस्यांचा सामना करावा लागू शकतो. कॅफीन शरीरातील उतेजक पद्धतीला उत्तेजित करतो, ज्यामुळे रात्री झोप लागण्यात अडचणी येऊ शकतात. विशेषतः चहा किंवा कॅफीनयुक्त अन्य पेय संध्याकाळी घेतल्यास झोपेवर नकारात्मक परिणाम होऊ शकतो. त्यामुळे कॅफिनचं सेवन नियंत्रित प्रमाणात करणं महत्त्वाचं आहे, असं आहार तज्ज्ञ क्रांतिसिंह शिंदे सांगतात.

चहामुळे पचनसंस्थेवर नकारात्मक परिणाम होऊ शकतात. त्यामुळे नाष्टा केल्यानंतरच चहा घ्यावा किंवा जेवण आणि नाश्ता करताना चहाचे सेवन टाळावं.  त्याचबरोबर रिकामा पोटी चहा पिल्यानंतर त्याचा नकारात्मक प्रभाव हा पुरुषांवर अधिक जाणवतो. या सवयीचा परिणाम शरीरातील काही अवयवांवर होऊन प्रोस्टेट कॅन्सरसारख्या समस्या निर्माण होऊ शकतात, असंही आहार तज्ज्ञांनी सांगितलं.