एका दिवसात किती साखर खावी? WHO ने सांगितलं योग्य प्रमाण

नवी दिल्ली : साखर हा आपल्या सर्वांच्या आहारातील महत्त्वाचा घटक आहे. चहा-कॉफी, बिस्किटे, ज्युस, चॉकलेट आणि तयार खाद्यपदार्थांमध्ये साखर असते. मात्र, साखर आणि गोड पदार्थांचं जास्त प्रमाणात सेवन आपल्या आरोग्यासाठी हानिकारक ठरू शकतं. डायबेटिसच्या वाढत्या प्रमाणामुळे ही परिस्थिती निर्माण झाली आहे. गोड खाण्याचा डायबेटिसशी थेट संबंध नसला तरी जास्त गोड खाल्ल्याने लठ्ठपणा वाढू शकतो. लठ्ठपणा डायबेटिस होण्यामागील महत्त्वाचं कारण आहे. जर तुम्हाला गोड खाण्याची इच्छा असेल आणि त्यामुळे शरीराला कोणती हानी होऊ नये असंही वाटत असेल तर तुम्हाला योग्य प्रमाण पाळावं लागेल.